Zimbabwe News Update
📅 Published: August 21, 2025
📰 Source: herald
Curated by AllZimNews.com
📅 Published: August 21, 2025
Curated by AllZimNews.com
Kubalandeli benguqu, uNdoro ngesikhathi sakhe ubephethwe emlonyeni.
Ubakhethuzile enkundleni, wabatshengisa ukuthi isiphiwo sakhe sikhulu okunganani.
Bamnika ibizo elithi “Fire” ngoba ubevutha umlilo enkundleni.
Lapho akade elithola khona ibhola, bekukhala onozinti ngoba elikhatshwa nguye belivutha esandleni.
Kwasala kancane nje ukuthi abethwe njengomgadli ohlohle okwedlula abanye eseSouth Africa.
Kodwa, ithalenta laziveza lodwa kuye.
Wazalwa efumbethe okaNdoro.
UNdoro wadlalela ilizwe ekumaWarriors, wenza udumo kuNico United, Chicken Inn, Orlando Pirates, Mpumalanga Black Aces, Ajax Cape Town laseSaudi Arabia ku Al-Faisaly.
Ufele eSandton, eSouth Africa.
Kukho konke akwenza enkundleni, abanye adlala labo bakhuluma ngokuthi ubeyindoda emadodeni, umdlali owayesazi umdlalo wenguqu engawuphumputhi.
Lakanye wakuveza lokhu kuleli, eBotswana, South Africa lase-Saudi Arabia.
Phandle kwenkundla, umuyi uchazwe ngokuthi ubezithobile, engumuntu obekhetha ukuthi angawuvuli umlomo.
Ubelothando ngokutsho kukaDanny Phiri, umdlali wenguqu. “UTendai nguye okade esikhuthaza ukuthi sibambane eSouth Africa.
Ubethatha isikhathi ukuthi asivakatshele sonke, athenge ukudla lokunathwayo uma sihlangene njengabadlali abavela eZimbabwe.
Ngibuhlungu ngokuthi useselizweni lamathonga.
📖 Continue Reading
This is a preview of the full article. To read the complete story, click the button below to visit herald.
AllZimNews aggregates content from various trusted sources to keep you informed.
📰 Source:
herald
Aggregated by AllZimNews – Your trusted source for Zimbabwe news
