Ethel Ncube KULAMADODA amathathu eLower Gweru ngaphansi kwenduna uBunina atshaye enye indoda ayibulala benakanela ukuthi lisela.Kubikwa uNaison Ntini ohlala esiqintini seMugwagwa ngaphansi kwenduna uSogwala mhlaka 30 Ntulikazi eseNgxongxo Tuckshop wayekhelela umagwebu, wasesukuma ebhoda ngemva kwekhawunta kanti sezithezele olulenkume nanko wahle watshaywa okwenyoka umabona abulawe.Kubikwa ukuthi uAlfred Mutombeni (38), lomnewabo ulsheunesu Mutombeni abahlala esiqintini seMatambo ngaphansi kwenduna uBunina kunye loMduduzi Dzikamai babenatha utshwala loNtini.Kuvele ukuba uNtini wasukuma wabhoda ngemva kwekhawunta bahle bamkhahlameza bethi ulisela ufuna ukutshontsha baqala ukumtshaya betshintshana ngamampama kunye lenswazi.UNtini wenelisa ukuphunyuka abaleke kodwa watholakala ngosuku olulandelayo efile bucwadlana le-tuckshop.Isikhulumi samapholisa eMidlands uInspector Emmanuel Mahoko uthe babophe indoda eyodwa ethinteka kucala leli. “Sesibophe uAlfred Mutombeni njalo uyasincedisa ekuchwayiseni ngodaba lolu. Sidinga uIsheunesu Mutombeni loMduduzi Dzikamai ukuba sibabuzisise ngodaba lolu.
“Sicela uzulu ongabe esazi ukuba abetheswacala laba ababili bangaphi azise amapholisa aseduzane laye,” kutsho uInsp Mahoko.Share on FacebookPost on XFollow usSave
Originally published on Zimbabwe Herald
Source: Herald_Com
