Mwanasikana (15) anodanana nevarume 10

Fungai LupandeMUNE mumwe musha wekuMt Darwin, maita nyaya inoshamisa yemwanasikana ane makore 15 okuberekwa uyo anonzi ane varume gumi vaanodanana navo uye vazhinji vacho ndevechikuru.Nyaya yake haisi yega, asi kuti dzakawanda dzerudzi urwu zvichitevera kuwanda kwenyaya dzekuroodzwa nekumitiswa kwevanasikana vasati vabva zera mupurovhinzi yeMashonaland Central.Sabhuku Richard Ngapasare vanorondedzera kuroodzwa kuri kuitwa vanasikana vane makore mapfumbamwe, kazhinji nekuwirirana kunenge kwaitwa nevekumhuri dzavo.“Vanoverevedza husiku, vachiendeswa kuvarume nyaya dzacho dzinozongobuda bedzi kana pachinge paita dambudziko,” vanodaro vachidzungudza musoro.“Zvikoro zviri kusara zvisina vana vapera kuenda kunoroorwa Mwana uyu ane makore 15 okuberekwa asi anoti ane varume vaanodanana navo vanosvika gumi Nyaya iyi haisiriyo yega nekuti kune vamwe vazhinji vari kuita zvimwe chetezvo Zvikonzero zvacho zvakadzika midzi: hurombo, kunyanya nyaya dzezvitendero zvikuru sei zvechipositori uye kusatevedzwa kwemitemo,” vanodaro.Sabhuku Ngapasare vanoti mhuri dzakawanda dzinotambura zvakanyanya saka vane mufungo wekuti kana vakaroodza mwanasikana vanenge vapukunyuka kubva munzara.Nerimwe divi, vamwe vemachechi echipositori vanoona sekuti kana vakaroorana pachavo zvinovafambira asi vachitora pwere.“Rimwe dambudziko riripo nderekuti vazhinji vevana vari kumbunyikidzwa ava havana magwaro ekuzvarwa uye nyaya dzacho dzinotsimbirirwa nevemhuri avo vanofanira kunge vari ivo vanomhan’ara nokudaro zvinozoita sekunge mapurisa asi kugarira basa asi ivo vachiita basa ravo nemazvo

Chinhu chikuru chakakosha ndechekuti nyaya dzacho dzimhan’arwe,” vanodaro.Mapurisa ari kusanganawo nezvigozherwo mushure mekumhan’arwa kwenyaya dzerudzi urwu nekuti vakawanda vevanasikana ava havazivikanwe makore avo nekudaro kazhinji kacho vanoendeswa kunanachiremba kuti vaverengwe mazino nekuvhenekwa zvinova zvinodhura uye zvichinonotsa mafambisirwo enyaya dzavo.Constable Lazarus Nyemba vechikamu cheZRP Mt Darwin’s Victim-Friendly Unit vanopa yambiro: “Mutemo wakajeka — kuroora mwana mudiki zvinoreva kugara mujeri kwemakore mashanu, pasina kubvisa faindi Asi kana pasina umbowo hwemakore ekuberekwa, nyaya dzacho dzinozongotadza kufambira mberi.”Chinotonyanya kunetsa ibasa revatungamiri vemunharaunda Mambo Kandeya vanotsinhira kuti mamwe masabhuku anobatsira mukuvanza nyaya dzekuroodzwa kwevanasikana vachiri ndumurwa — kudzamara zvinhu zvashata.“Vabereki vanozodura nezvekuroorwa kwepwere kana paita kusanzwanana mumhuri panhau yeroora racho asi dambudziko rinenge ratovapo nekuti mhosva inenge yatoparwa nechekare,” vanodaro.Chirongwa chekupa chenjedzo che“Not in My Village” chiri kuunganidza madzishe, mapurisa nemasangano akazvimirira kuti varwisane nenyaya dzekuroodzwa kwevanasikana.Zvichakadaro, chirongwa cheSister-to-Sister — chinotungamirwa nemadzimai echechi yechipositori — chiri kudzidzisa vanasikana kuti vasabvume kuroodzwa vachiri vadiki uye kuti varambe vari kuchikoro.Robin Adams, anova AIDS Coordinator kuMt Darwin anoti zvinokwanisika kuti pave neshanduko.“Vanasikana vanoda mucherechedzo wakanaka Vanofanirwa kuziva kuti wanano handiyo nzira yoga,” anodaro.Zvisinei, zvigozhero zvinoramba zviripo

Migwagwa isina kumira zvakanaka inoita kuti dzimwe nzvimbo dzekumaruva dzinetse kusvikako, zvinokonzera kuti masangano akazvimirira atadze kusvika kunharaunda dzine vanasikana vari kunyanya kusangana nematambudziko akadai.Vasikana vakawanda vanosiya chikoro panzira zvisinei nekuti vane mabhezari eCAMFED, vachikwezvwa nevimbiso yenhema yechengetedzo muwanano.Apo zuva rinonyura kuMt Darwin, mubvunzo uyu unoramba uripo: Dunhu iri richagadzirisa dambudziko re“madhimoni” aro here kana kuti inyaya yemuzera wevanasikana varasikirwa nekuroodzwa vachiri ndumurwa?Share on FacebookPost on XFollow usSave

Originally published on Zimbabwe Herald

Source: Zimbabwe Herald