Sikhumbuzo MoyoMURUME wekuHwange nemusi weChina mangwanani svondo rino akatsikwa-tsikwa nenzou ndokufa apo aienda kubasa kune imwe kambani yemugodhi.Murume uyu anonzi John Munzabwa wekuLusumbani Village (Number 5).Mutauriri webazi reZimbabwe Parks and Wildlife Management Authority (ZimParks), VaTinashe Farawo, vanotsinhira nyaya iyi vachiti vachengetedzi vemhuka vakatoendeswa kunzvimbo iyi kuti vanoita ongororo.“Tatambira nyaya isingafadzi yekuti munhu auraiwa nenzou kuHwange Vanochengetedza mhuka vaenda kunzvimbo iyi kunoita ongororo,” vanodaro.Mutauriri wemapurisa kudunhu reMatabeleland North, Inspector Glory Banda, vanoti hofisi yavo haisati yawana gwaro renyaya iyi.Vagari vemunharaunda vakaziviswa nezvenjodzi iyi kuburikidza neWhatsApp Group nemeseji yaiti: “Nhau dzinosuruvarisa kugoverana Takarasikirwa naJohn Munzabwa Arwiswa nenzou
Kurasikirwa kunoshamisa, uye tose tiri mukuvhunduka Mifungo yedu neminamato inoenda kumhuri yake nevadikanwi munguva ino yakaoma Kumukoma wake, Pezhuba nemhuri, dai mukawana nyaradzo muna Jehovha Zorora murugare, John.”Mugore ra2023, Lydia Dube (30), uyo aishanda semurindi, akatsikwa-tsikwa nenzou akafa apo aive akarindira crane yakange yafa pamugodhi weChaba Opencast.Dube akamhanyiswa kuchipatara cheHwange Colliery Hospital akazodarikidzwa kuMpilo uko akafa achangosvika.Share on FacebookPost on XFollow usSave
Originally published on Zimbabwe Herald
Source: Zimbabwe Herald
All Zim News
All Zim News is a central hub for all things Zimbabwean, curating news from across the country so no story is missed. Alongside aggregation, our team of nationwide reporters provides real-time, on-the-ground coverage. Stay informed and connected — reach us at admin@allzimnews.com.
