Mapodise ba ganetsa magatwe a Facebook

Mookamela mapodisi kwa Middlepits, Superintendent Kebadire Mmopi o gakolotse setshaba go ikgapha mo tirong botlhwaswa ya Facebook. Se se tla morago ga gore bangwe ba bege fa mosetsana mongwe yo o sa leng a nyeletse kwa Middlepits ngogola Sedimonthole a le lesome le bosupa, a bonwe a tlhokafetse.

Supt Mmopi a re dipego tsa mofuta o, ga di a siama ka di kgobera le go gogomosa batsadi le ba masika maikutlo, bogolo jang ka ngwana wa bone a sa ntse a ise a bonwe. O kaile fa ba sepodisi kwa Middlepits ba boloditse letsholo go batla ngwana yoo, wa dingwaga tse di lesome le boferabedi mme dipego tse, di sena boammaruri.BOPA