‘Huroyi hwazara kumachechi’

Kingstone MapupuMURUME wekwaSabhuku Mangwiro kuChitekete kudunhu raMambo Chireya kuGokwe, uyo anopinda chechi yeJohane Masowe weChishanu, anoti huroyi hwazara kumachechi kudarika munyika uye izvi zvinotevera kutorerwa kwaanoti akaitwa simba rake rechiporofita nemamwe maporofita.Madzibaba Tavahla Tudha (37) anoti anodemba kupinda kwaakaita svondo pane rimwe sowe rekumusha kwavo sezvo achiti akashinhirwa nemamwe maporofita vamutorera simba rake.Anoti akaroiwa pamasowe apa akatsipikwa ndokuiswa mweya wezvikwambo uyo wave kushanda paavari.Murume uyu anoti nekuda kwekutorerwa simba kwaakaitwa uku, zvinhu zvake zvose zvakaparara akagumisira atizwa nemudzimai.“Ndinopa yambiro kuruzhinji kuti muzvinamato zvakasiyana kune vamwe vakuru vemachechi nemaporofita vava kuromba vakahwanda nechinamato Vanoroya vamwe, kuvatorera simba nekuvabvutira ngirozi dzavo Ini ndaiva nemweya wakasimba wechinamato ndokunzi ndaifanirwa kusimbiswa mweya wangu kuti ndiite muporofita azere asi vakuru vaiva pamberi pangu vanditorera simba rangu nemweya wese waisvika pandiri,” anodaro Madzibaba Tudha.Anoti mweya waisvika paari wechiporofita wakatorwa ukagadzikwa pamaporofita makuru uye paari ndokuiswa mweya wezvidhoma uyo unomurwisa.“Maporofita aya pavaiisa mawoko pamusoro pangu vachiti vaindisimbisa, ndainzwa sekunge mumuviri mangu maipinda magetsi ndonzwa kupiswa Maporofita aya vakatora nguva vachindibata musoro nekundidira makate emvura, ndichiendeswa kumativi mana kumasango kusvikira ndisisabatwe nemweya

Ndakatanga kunzwa kupindwa nemhepo nekumakumbo, mudumbu, mumusoro nemukanwa ndiko kutanga kwakaita hurwere hwangu,” anodaro Madzibaba Tudha.Anoenderera mberi achiti: “Huroyi hwazara mumachechi kudarika munyika nekuti vamwe vanoita sekunge vanokubatsira vachikutorera zvakanaka zviri pauri Saka ngatingwarirei kunzvimbo dzatinoenda kunobatsirwa Pfuma yandaiva nayo yakabva yaenda uyewo mudzimai akabva atiza nekuti handisisina simba semurume, ndangovawo munhu.”Madzibaba Tudha anoti anonzwa achipindwa nechinhu mudumbu icho chinotanga chamuruma-ruma chopambira mumuviri wese.“Ndakabva kumusha kuGokwe ndichitiza maporofita aya vava kunditi ini ndini ndaiva muroyi vachinditumira vanhu Ndakamboedza kuenda kune mamwe masangano asi hazvina chakabatsira kusvika nhasi ndakazopotera kun’anga,” anodaro Madzibaba Tudha.Mupositori uyu pari zvino ari kubatsirwa neimwe n’anga yemuHarare padambudziko rake.“Ndatenderera kumaporofita emachechi akasiyana asi ndaneta uye ndakanzi nevamwe hurombwa hwakaiswa pandiri hwava kutoda kuenda kuchivanhu

Saka ndakauya kuno Harare, ndinonzwa kuti mweya yacho yezvikwambo iri kubuda pandiri ichitaura nekwayakabva kwacho,” anodaro Madzibaba Tudha.Zvakadaro, VaGeorge Kandiero vanove mukuru wesangano rinomirira varapi vachivanhu reZimbabwe National Traditional Healers Association (Zinatha) vanotsinhira nyaya yekuti kune mamwe maporofita nen’anga vanoshereketa kutorera vanhu simba remweya iri pavari.“Ichokwadi kune maporofita nen’anga vanoshandisa simba ravo kutorera vanhu mweya iri pavari kana zvipo, asi pamitemo yedu seZinatha izvi hazvibvumirwe,” vanodaro VaKandiero.Mashoko avo anotsinhirwa naBishop Cuthbert Nyaruvenda vanova mukuru wesangano reZimbabwe National Practitioners Association (ZINPA) vachiti kwava nevamwe varapi vanoshereketa kutorera vamwe simba ravo.“Dambudziko iri rakura muvarapi vechiporofita nemudzin’anga, kune vanotorera vamwe simba ravo Izvi hazvibvumidzwe nekudaro tinokurudzira vanhu kuenda kune vavanoziva vasati vakanganiswa,” vanodaro Bishop Nyaruvenda.Share on FacebookPost on XFollow usSave

Originally published on Zimbabwe Herald

Source: Zimbabwe Herald