Izakhamizi zase Sibula, eGwanda ku Ward 8 zicela ukwakhelwa amabholoho amakhulu emifuleni uMaleme lo Hovi, esigcwele kakhulu ngenxa yezulu elinengi elinileyo. Izakhamizi zikhala ngokuthi amabholoho akhona aphansi kakhulu, avalwa ngamanzi ezulu agelezeyo, okubangela ukuthi abantu, izinyamazana lezimota kwehluleke ukuchapha. Omunye wezakhamizi zeSibula, uMaNkomo, ukhalaze ngokuthi abantwana besikolo sebesalela emuva ezifundweni ngoba besehluleka ukucapha imifula le.
“Silabantwana abafunda phetsheya kwemifula leyi. Bayehluleka ukufinelela ezikolo ngoba imifula iyabe igcwele. Lokhu kubenza basalele emuva ezifundweni zabo ngoba besehluleka ukuya esikolo,” uMaNkomo ulandisele intatheli ye CITE.
“Imifula le iphambanisa lokuhamba kwezimota. Lokhu kuluhlupho kakhulu ngoba izimota zisisiza entweni ezinengi. Abagulayo mele bagijinyiselwe yizo ezibhedlela.
[paywall]
Njalo bakhona abenza amabhizimusi phetsheya kwemifula le. Konke lokhu sokumisiwe ngokuswelakala kwamabholoho aqinileyo njalo aphezulu.” UKhansila wesigaba uZwelihle Nyathi ugcizelele ngobunzima lobu, wathi kwenziwa imizamo ehlekuneyo ukuthi kwakhiwe amabholoho. “Ubunzimalobu bukhulu abantu abakubo.
Sizama ukucelisa uncedo ukuthi abantu bancedakale ngoba imfula ikhanya ingayentshi. Nxa ingasoze yentshe khathesi abantu bazakufa ngendlala, loba sebegula kuzaba nzima ukuthi bafinyelele izibhedlela,” utsho njalo uNyathi. “Iskhathi lesi esikuso sinzima asazi lokuthi senzenjani ngesimo.
Abantu bayakhala okubi ngoba abasenelisi ukucapha, imfula yonke ayicapheki igcwele phamu. Bengilesifiso sokuthi sithole ukuncediswa singakujabulela kakhulu lokho ngoba kubi lapha.” This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
[/paywall]
